各位市民：

我在上位一周年大日子，想借機同各位市民分享我一年來的經歷和感受。

所謂「上位一年容易過」表面是一句廢話，但想深一層，這句話正好反映，我靠的確是運氣，感到位置高了，權力大了，好爽！而出版首部巨著《煲呔來了》，我真正感受到走出「煲呔訴心聲」網上日誌的重要性。我認為市民要有一份「同理心」(empathy)，以我的角度，去感受我的需要、我的生活、我的困難、我的喜怒哀樂，咁你就要走去買本 《煲呔來了》喇。

在我眼中，市民好識趣，又滑頭又實際又事事唔順瞧，仲好多牢騷；但又會展現人性光輝一面，例如買翻本《煲呔來了》。

未來我會?更多時間四圍行，睇實邊個冇買《煲呔來了》。 經過這一年來，我學到四萬「放下身段」，佢有佢去遊行 ，我有我去茶餐廳食牛腩麵；大家唔駛心?懷疑喇， 因為的確「煲呔來了。」

當奴雀士
二零零六年七月

定價：HK$40　出版：進一步
銷售地點：各二樓書店、書局、教協
「煲呔訴心聲」網誌：http://www.civic-express.com/donald/
送你ecard：http://www.civic-express.com/donald/book2006/book2006.html

其實喺添馬起衙門大樓，就好似我啲馬仔出入坐寶馬一樣，唔通叫佢哋坐地鐵咩！雖然話環保，但就委屈咗啲，以前佢哋都係坐日夲車仔，但幾年前改坐寶馬，佢哋都唔知幾happy，尤其是肥龍，佢話同地產老細見面時，覺得大家都差不多平起平坐喎！

所以衙門辨公室都係一樣道理，無番噤上下威嚴、氣派、堂煌，點疾得住啲小市民噃！佢哋唔明，佢哋係要拜見我哋，啲官係要接見佢地，自古之以來中國社會都係咁，只係西方文化先至話我哋係僕人，從前殖民地時代，要叫自己做your most obedient servant，真失威。所以五十幾億濕濕碎，如果駛咗啲錢，啲官威啲，即係香港威啲，好抵啫。

到時北有天安、南有添馬，嘩！都係為香港好啫！

亦即係我强政有結果，先前兩單，西九同政改已經衰咗，如果添馬都唔掂，我邊度有得交差噃！明年換莊，到時俾人話事事議而不決，得個大隻講，强政得個桔，老板到時要我「查找不足」，即係最後又要我詐腳疼，好冇癮啫！

所以我點都要搞掂添馬。本來都冇乜問題，連白鴿幫嘅高達同工亂會幫人都俾我搞掂，反正錢都唔係佢哋出，做個順水人情。佢哋知道我親疏有別嘅犀利，同我親密啲，唔好咁疏離都好。剩翻幾個大狀根夲不足為患。點知夜長夢多，愈來愈多太平山居民唔想親近我，話我敗家。我唯有出盡辨法！

我從來無講過有七成人支持添馬起地標！我不過話：就算有七成人支持，一，兩成反對，都會有好多嘈音。啲擦鞋傳媒報導錯誤，講成真有七成人支持，都唔係我錯。但我又無必要去澄清。咪等謝小妹妹去頂住先，話加加埋埋炒埋一碟，大約都有七成卦？既然班人想用民意壓我，我都識得逢陪。

以前88直選民意調查時我哋都造過馬喇，最多又做多一次！造馬最好揾專家，我於是揾香港最識得造馬，又係喺我馬廐嘅阿佳里，佢係香港两大賭場阿頭，佢問我要點樣嘅賽果，七成、八成定九成？我出聲，佢搞掂。加埋啲傳媒歸晒邊，唔嬴都幾難！

不過，我係强政，我唔駛造馬。我壓落去，我够票。我唔掂，老板照住就得。立髮會到時批咗錢，我就等連任，等歎吓超級豪華無敵海景嘅添馬新衙門辦公室！哈！哈！哈！

冬姑話添馬無泊船喎！！！

上次去完唔神聖嘅彌撒之後，我都知道自已罪孽深重。但係唔錯都錯咗！ 我都唔想再講。

但班記者就唔放過我，係都要問呢件事。我就話我坐的士之前或之後，都無問司機攞個牌睇，我入教堂之前或之後，我一樣都唔會叫神父俾個牌睇。不知者不罪啫！但之後我又覺得講唔通，香港樣樣嘢都要有牌，揸車要有牌，國際牌就得，大陸車牌都唔得，做醫生要有牌，做律師要有牌，經營大排檔都要有牌，我身為CEO，容乜易搞到香港啲人話無牌都無所謂，個個無牌駕駛、無牌經營，到時你話怎麽辨！

不過南方主教都可以話有牌噃，國家都有俾個牌佢。但係人哋總公司註冊咗商標，、有專利權。未經許可，另行開檔，咪係冒牌貨？雖然國家乜都有假冒，但譬如俾人知道，老婆去深圳買冒牌手袋，佢瘀我都瘀啫。所以樣樣嘢攞正牌好啲。

講開又講，有一個牌我就攞定穩陣啲。我記得有一晚好似發夢，有個阿叔帶咗我去太平山頂，指住全香港美麗影色‧ 問我話如果拜佢做師傅，下面睇到嘅都屬於我。我考慮咗好耐，我幾十年信主，到頭來只係做清潔大隊長，試吓拜另外個師傳都好！於是我就跪低答應拜佢做師傅。真係好靈，過幾日，老板就同我私下談心、公開握手，其餘都係後話。

我都唔知阿叔係唔係魔鬼，如果佢有個牌俾我睇，我都安心啲，否則如果跟錯人、拜錯山，將來两頭唔到岸就好麻煩。

既然做咗魔鬼門徒，就要收番啲魔鬼徒孫。無錯。我要收「靚」！

肥龍跟咗我好多年，係我右手，又係我御用打手，好使好用，打頭陣，够忠試；放料抹黑，够陰毒，同地產商搞關係，够直接；同傳媒立髮會應對，面皮够厚；一定係做徒孫好人材。

仲有肥林D8，佢係左手，雖然係前朝留落，但係魔力深厚，把咀够利害，樣樣事都有似是而非嘅說法，呃人够哂有信服力。於是最近幾個月，左右手出擊、雙龍出海，氣勢如虹。我夲來以為强政好掂，點知好似有一股正氣同我對抗，又有一股左氣、邪氣、錢氣夾雜，令我不能為所欲為，真係條氣唔順。

不過，我已經打算，一不做、二不休，沉淪到底，做其香江魔派掌門人，為保地位，不計一切、無所不為。繼續招收門徒，繼續發牌，門徒收徒孫，做翻我嘅老本行，做層壓式推銷員，發揚光大，到時老板都耐我唔何！

當猶太人 捉拿主耶穌交俾羅馬 人時，門徒彼得三次不認主，但之後彼得發揚光大，將信仰帶到世界。

所以就算我三次否認民主又算得乜？上一年我競選緊，民主兩個字、點講得出口噃？之後政改，雖然可以話唔關我事，係班泛民唔生性、否決我嘅民主方案。但我俾個唔係好民主嘅方案俾佢哋，噉又想佢哋點噃。最好笑班太平山居民怪佢地唔怪我。最近華叔叔講起我唱出民主歌聲，我又否認。真相係點只有我同主知道。其實認都無所謂，老板嗰陣時都有去探班吖，但我一認，容不易啲人話親疏有別，即刻認親認戚，我点强政噃！

我三次不認民主，將來會唔會變成千古民主罪人呢？噉又同我定，師姐四萬去進行吓、啲人就當佢係女神，過幾年等我退咗休，到時香港都唔會有民主，我就好似四萬師姐一樣、出去遊行吓、爭取吓民主，最多絕埋食當減肥，啲人容不易話我係民主之佛都唔奇。

人容易搞掂，主就無噤容易。我三次不認民主，我亦都三次唔認上天嘅主。政改嘅時侯，我無聽主教講，即係無聽主講，但主都好易理解，政教分家嘛。當老板啲馬仔要扮主，自已去委任主教，我又無出聲，羅馬天主教無咗羅馬，只有愛國，又點成教呢？我呢次又唔敢話政教分家噃。最多將來有中國天主教、台灣天主教，澳門天主教囉，好過乜都無。

最近老板馬仔又話要我表示吓忠試，去南方開會，順便去望由無咗羅馬嘅天主教主教主持嘅彌撒。雖然難啃，既然要不擇手段，不如一不做、二不休，為人為到底、做到盡。我本來以為神不知、鬼不覺，無人知，但班衰人係都要映埋相，立此存照，等我永不超生。都無辨法！我嘅罪真係深咯。唔入地獄都幾難。

所以我唸起彼得，佢都可以成聖，我都仲有希望。最近連出賣主耶穌嘅猶太，佢地話其實係耶穌嘅忠實門徒，耶穌吩咐做無間道特登出賣佢。你話我會唔會係忍辱負重嘅無間道？講唔定啫。

再然，遲啲去告解悔罪就OK啦，不過喺香港告解，個個識得我，唔係幾好意思嘅，分分鐘罰我多啲。不如去外蒙古教堂悔罪，念五十次聖母經，以後唔敢就得啦！講開又講，罪實在太重，不如而家開始念住先，申爾福，………..瑪利亞，滿被聖寵者，主與爾偕焉……………

嘩！巴士阿叔 好野。當肥仔安俾我睇個片段，我真係想揾阿叔俾個獎章佢，因為佢講啲野好似我心想一樣。就好似我强政一樣，我都想話俾班友聽，唔好拍我膊頭，樣樣嘢都窒住我。我都有壓力，好大壓力添；老板俾我壓力，班左仔俾我壓力，班免費政治午餐商家佬俾我壓力，班民主派俾我壓力，四萬俾我壓力，好彩我雖然唔係高大威猛，頂住都無問題。我都想同四萬講：有無胆同我隻揪先，係咪想同我選過先！

最衰又時近六四 呢樣真係未解決。十七年都無個交代。而家全中國，全世界都無人提啦，就係班記性噤好嘅香港人，年年都要提吓，其實歷史真相好清楚，八九年嗰唓時我都離遠探過班。嗰時人人熱血沸騰，唔參加就真係連老細同事，都話我無人性啦！雖然俾華叔認到，好彩八九年未興手機同youtube，無人映到相，依家我一於死口唔認，唔係又有俾人篤嘅把柄！

呢件事未解決，而我又解決唔倒，真係麻煩。我真係想搵個識集體催眠嘅高人，令到班香港人集體失憶！

本來我想開聲支持巴士阿叔，但原來佢選過特首，認真神奇，亦即係明年佢可能又再選過，到時容乜易老板覺得佢好嘢，够堅够勁，鬧人鬧得好，粗口够入肉，又識得成日同人握手話解決。到時老板同佢握手，唔同我握。班商家佬表錯情，信以為真，唔覺意選咗佢做哎吔特首，真係無眼睇！

不如加入一份唱衰佢先，少個香爐先，少個對手。又如果有人映倒四萬鬧人，我就發達咯！！

各位親愛的香港市民：

我“當奴雀士”少年夢想是一位文學家。

正所謂「有便易唔駛本，有著數要攞盡」，今倘獲《博匯－香港博客棧》重柑禮聘成為其中一位博客，實在機會難得，依年原來真係行運行到腳指尾。

而我是一位好謙虛的偉大政治家，亦為免「想得太多壞心腸」，所以會將所有想得太多的事，放入《煲呔訴心聲》中，給後人敬仰之餘，又可以將我的智慧發揚光大，的確好筍。

多謝各位支持！

當奴雀士
2006年5月

送E-card http://www.civic-express.com/donald/ecard/index.html

嗚……拍！又一隻蚊死我手上。

復活節呢排，真係靜到幾多隻蚊飛過都聽到。

朝早啲烽煙節目，連隆胸都可以講幾日！

嗱呢啲就係我嘅政績喇！除咗有分加、有威攞嘅嘢，我統統唔做，我一於拖字決，結果，又真係剩翻冇乜嘢好做。靜靜地，咪幾好，太平山居民要求好簡單啫。

坐掌門人個位，有乜秘訣？同做公務員冇乜分別啫。第一，要冧得老細掂。第二，小做小錯。第三亦最重要，就係時來運到腳頭好。

我嗰班隱形對手，無論有幾受歡迎，有幾多人愛戴，有幾多錢，有幾多才華，有幾多後台… ，偏偏就無我咁好運。你吹咩！我吹口哨就得。

當然，我當奴雀士極具實力，英明神武，並非單憑運氣。傳媒以前，真阿水放個屁，都賴落老懵董。2003年後，阿爺重整旗鼓，班傳媒都開始埋衙門堆，都算識做，但觀衆慣性收視係要鍾意鬧老董。佢黑仔囉，又鬼咁大方，話唔同人計較。

我就冇咁笨。喺衙門、傳媒、各大界別，有邊個唔知我有仇必報嘅原則！想得罪我嘅，一定未死過，煲呔報仇十年未晚。

從此，傳媒鬧隆胸、鬧認錯屍、鬧火車、鬧魔警……都唔敢鬧我當奴雀士。

班政黨一樣俾我玩到殘。本來我打算用左右逢源追女大法，個個政黨都追下。不過，班民主公民成日講原則，守身如玉，係要唔俾面我。唯有返回老董「親疏有別」政策，俾啲顔色佢地睇。班左記又土又醜又小氣，睇見唔開胃，我知佢地計都睇我唔順眼。但左記勝在同我一樣，原則是用來出賣嘅，有奶便是娘，俾幾粒糖，俾小小face，就一定搞掂。富貴黨見左記有糖吃，就即刻向我抛媚眼。

有夥計話外間對我有小小批評。呸！批什麽評！成氣候嗎？現在傳媒敢逆我意嗎？

我吩咐夥計以後有乜批評，唔好話我知。佢地一係幫我搞掂，一係打電話俾批評者嘅老闆，叫人搞掂。

我知道太平山下，有很多人在我背後説三道四，竟然說我什麽小家小氣，自大無品，鑽盡空子兼無遠見！

我呸！我的賣座率依然高企。

我當奴雀士相信，每個太平山人心中除了斷背山，還有個《煲呔》。

因爲其實大家都想做《煲呔》，由推銷小混混上位至高無敵掌門人。

豈有此理！真係，豈有此理！點解唔俾我無風無浪做區長，仲有一年就連任啦，阿爺都係俾我玩多五六年啫，點解啲各方各面嘅深層矛盾，硬係唔可以拖耐啲呢。

火車公司出軌，鵪變麻鷹單嘢，成爲「火車風雲」一週連續劇精華版，真係日日新鮮日日甘。啱啱幫Michael 仔同黎鵪擺完和頭酒，幾個鐘頭後，黎鵪又話要講義氣，幫班馬仔頂罪辭職。唔通真係又有人搞小動作，衝擊我嘅強政厲住！

…詳盡more…

 今晚又無心睡眠，數完羊，又數雞，都瞓唔著，忽然聽到轆隆轆隆聲，唯有數車卡。但係越數越瞓唔著，就走去厠所洗個面。點知，模模糊糊竟然見到鏡中……嘩！自己變咗做係田二少！咁邪！

第日我會唔會好似田二少咁失敗，俾班馬仔兵變呢？抑或是今次又係有人搞小動作，衝擊我嘅強政厲住呢?火車公司班馬仔出軌單嘢，簡直係鵪鶉變麻鷹，我真係要好小心。

…詳盡more…

「喂喂，小小煲呔區長，在主席面前，你膽敢眼光光！睡著了嗎？」

「哦，哦，鵝不敢，鵝不敢，胡主死，胡主死，鵝得胡主死接見，感動得不得了，只是左晚衰得不好，眼睛變得小了點。祝胡主死，天福永享，壽與天齊。鵝左晚衰得不好，是為了鵝的太平特區最近一些有損社會和諧，強政厲住的死情，一些愛國人對鵝有點污會，有點想壞心場…」

…詳盡more…